)(لو خسرتكــ ماخسرت....... )(

لو خسرتك ماخسرت العمر والدنيا متاع
وادري اني لو خسرتك ماخسرت الا قليل
بس فكر زين وتعرف من خسر فينا وضاع
وتعرف انك لو تلف الارض وتدور بديل
والله ان تبطي ولو لفيت في كل البقاع
ولو تسوي وش تسوي منت لاقي لي مثيل
وين تلاقي مثل شخصي شخص وطباعي طباع
و وين تلقى مثل قلبي قلب او مثلي خليل
البشر وااجد نعم لكن فرق الانطباع
يجعلك يمي تميل ويم غيري ماتميل
يارفيقي انتبه: واحسن لي الاستماع
للمواقف دور في كشف المزيف والاصيل
وانت ماقصرت فيني موقفك جدا شجاع
طعنتك في الظهر فعلا كانت اثبات ودليل
بيض الله وجهك اللي ساتره تحت القناع
ورأيتك بيضا معاي وياعسى عمرك طويل
يعني اعطيك الثقه وتردها بلوي الذراع
يااخي ماشاءالله عليك ابدعت في رد الجميل
مدري كيف اشكرك مدري كيف ارد الصاع صاع
كنت احسب انك عزيز النفس تطلع لي ذليل
كم وانا عييت اصدق فيك قدر المستطاع
من غبائي كنت اسكت واعذرك واثر الحصيل
جرح قلب ميزته في كل يوم لاتساع
ودمع عين ينهمر من ضيقتي في كل ليل
والله اني كنت احبك حب واتبعك اتباع
كنت لجل ارضي غرورك اسوي المستحيل
كنت اعمى فيك لا. لا كنت ميت للنخاع
كنت مدري كيف لكن كنت صادق معك حيل
كنت امارس في غرامي لك سياسة الانصياع
وكنت لاغي معك فكرة اعتزل او استقيل
اندفعت بكل مافيني وسؤء الاندفاع
يجبر الانسان احيانا يفكر بالرحيل
صدمتني فيك انت خليتني افكر باقتناع
ان قتل النفس راحه ولو كنت انا القتيل
انفجر راسي من التفكير وازداد الصداع
كيف انا بفتك من جرحك ومن قال وقيل
رحمتك يارب لامن ضاقت امنحني وساع
انت حسبي في الزمان الجاير ونعم الوكيل
لا غدى مستقبلي والماضي اطراف النزاع
وطالما ان الهجوم افضل وسيله للدفاع
مستحيل ارضخ لو ان الحمل ياربعي ثقيل
والبخيل اللي نساني واشترى فيني وباع
يروح الله معه والله بجرحي كفيل
وان سال عني وجاكم بعد فترة انقطاع
علموه اني نسيته بس انا ماني بخيل
طالما كان السبب في قوتي قبل الوداع
بلغوه اقل شي بخالص الشكر الجزيل..

تـــــحــــيــــآتـــــي..

والله الواحد يحس نفسه ذذذذذذذذذذذذذذذذ ره امام هذا المستوى من الشعر اقول سجلي بشاعر المليون وضمن لك المليون وكذا الشعر ولا بلاش؟

يسلموو..أحســآس..

على المروور..

وإن شاء الله..

بشارك في شاعر المليون..

لكن أحتاج لدعمكم..<<صدقت

أشكرك غاليتي كلمات في غايـه الروعه ..

أبدعتي .. دمتي بود لا يفنى ..

تقبلي مروري ..

يسعدني..دلـــــMiSs PiNkــــــع..

مروورك..يالغلا..

الله لايحرمنـآ من هالطله..

الرائـعـه..